Manifesto
*Education: Education system sudharoonga me sabse phle. Har level pe bachcho ko kam se kam fees me Achchi shiksha milegi. Kyuki Education sari samsyaon ka samadhan hai. Private schools ke dhandhe ko kafi had tak kam kiya jayega jisse ki wo manmani fees vasooli na kar payen.
*Rozgar : Hamare desh me vacancies to hain lekin unhe fill karne ke liye proper arrangements nahi hain. Meri poori koshish rahegi ki jis tarah election commission poori Pardarshita se election karata hai vaise hi me...Job ke liye logo ka selection karwaooon taki desh ka koi bhi yogya yuva Job se vanchit na rahe.
*Kisan: Kisano ko Free ka rupya dene ke bajay ye Sunishchit karunga ki unhe unki Fasal ka MSP samay se mile taki wo Aatmhatya jaisa kadam uthane ke bajay desh ki Economy me apne yogdan ka % badhayen.
Connectivity and Electricity in dono pe.poora dhyan diya jayega or ye sunishchit kiya jayega ki desh ke har Gaon tak sadak, Bijli or Shuddh Pani pahuche.
*Start ups: Business Startup procedure ko saral banaoonga taki kam se kam samay me Start up shuru kiye ja saken. Or haan Start uos ke liye Aasan Loan ki vyavastha ki jayegi. *Pollution , Corruption kam karne ke liye uchit kadam or Anaveekarniy sansadhano ( Non- Renewable resources) ka Dohan kam karne hetu logo ko jagruk karne ke liye hum bharsak prayas karenge. *Jagrukta : Logo par har baat ka fine lagane ke bajay unhe Jagruk banane ka bharsak prayas kiya jayega. * Sanskriti: Bharat ko Bharat ki Ganga-Jamuni tehzeeb wala Bharat banane ki disha me kadam uthaoonga or Kattarwadita ko kam karne ke liye logo ke ghar ja ja kar Badlaav ki ek nayi aandhi laoonga. Me agar chuna gya to Nichay hi Bharat Humare sapno ka Bharat ek Haqiqat hoga. Jai Hind, Jai Bharat .
